Daeth mwy na 120 o blant o 12 o ysgolion at ei gilydd ar gyfer digwyddiad pêl-droed Cwpan y Byd Ysgolion Cynradd, gan ddathlu gwaith tîm, cyfranogiad a chyffro pêl-droed rhyngwladol.
Fe wnaeth pob ysgol gynrychioli gwlad benodol, gyda disgyblion yn cael eu hannog i gefnogi eu cenedl a gwisgo lliwiau’r baner i helpu creu awyrgylch Cwpan y Byd trwy gydol y dydd.
Ar ôl diwrnod pleserus o bêl-droed yn yr haul, fe wnaeth Ysgol Gymraeg Cwm Gwyddon wynebu Ysgol Gynradd Gatholig Santes Helen yn gêm gyntaf y rownd gynderfynol, tra bod Ysgol Gynradd Ystrad Mynach yn wynebu Ysgol Gynradd Parc Hendredenny yn yr ail gêm y rownd.
Fe wnaeth Ysgol Gymraeg Cwm Gwyddon, a oedd yn cynrychioli’r Ariannin, ac Ysgol Gynradd Ystrad Mynach, a oedd yn cynrychioli Brasil, gyrraedd y rownd derfynol, gyda disgyblion Ysgol Gynradd Ystrad Mynach yn cael eu coroni’n bencampwyr.
Hefyd, fe wnaeth disgyblion Ysgol Gynradd Machen, a oedd yn cynrychioli Curaçao, ennill gwobr arbennig am gynrychioli eu gwlad orau.
Dywedodd y Cynghorydd Chris Morgan, Aelod Cabinet dros Chwaraeon a Hamdden,
“Roedd yn wych gweld cymaint o blant yn mwynhau pêl-droed, yn cynrychioli eu gwledydd ac yn mynd i ysbryd Cwpan y Byd. Mae digwyddiadau fel hyn yn helpu pobl ifanc i gadw’n egnïol, magu hyder a mwynhau chwaraeon gydag eraill.”
Mae’r digwyddiad yn ategu Strategaeth Chwaraeon a Hamdden Egnïol 2019–2029 y Cyngor, sy’n anelu at annog rhagor o drigolion i fyw bywydau egnïol ac iach a chreu cyfleoedd i blant a phobl ifanc gymryd rhan mewn chwaraeon a gweithgarwch corfforol.
