Mae’r rhai sydd wedi cyrraedd rownd derfynol Gwobrau Chwaraeon Caerffili 2026 wedi’u cyhoeddi, sy’n dathlu’r bobl a’r clybiau y mae eu hymroddiad yn hyrwyddo chwaraeon a gweithgarwch corfforol ledled y Fwrdeistref Sirol.
O wirfoddolwyr ifanc i’r rhai sydd wedi ymroi degawdau i chwaraeon lleol, mae’r gwobrau’n cydnabod y cyfraniadau sy’n creu cyfleoedd, yn annog cymryd rhan ac yn cryfhau ein cymunedau. Maen nhw hefyd yn ategu ymrwymiad ehangach y Cyngor i’r Strategaeth Chwaraeon a Hamdden Egnïol 2019–2029.
A hithau wedi’i chynnal gan Chwaraeon Caerffili, bydd y noson wobrwyo eleni yn digwydd ddydd Gwener 20 Tachwedd yn Bryn Meadows: Gwesty, Golff a Sba, yn dod â’r rhai sydd wedi cyrraedd y rownd derfynol a’u cefnogwyr at ei gilydd i ddathlu eu cyflawniadau. Mae tocynnau ar gael o Ganolfan Hamdden Trecelyn.
Gwirfoddolwr Ifanc y Flwyddyn
Yn dathlu pobl ifanc sy’n rhoi o’u hamser a’u hegni i hyrwyddo chwaraeon lleol.
Hyfforddwr Cynhwysol y Flwyddyn
Yn cydnabod hyfforddwyr sy’n cael gwared ar rwystrau ac yn helpu pobl o bob gallu i fwynhau cymryd rhan.
Gwirfoddolwr y Flwyddyn
Yn tynnu sylw at y rhai y mae eu hymrwymiad yn helpu clybiau a chymunedau chwaraeon i ffynnu.
Hyfforddwr Cymunedol y Flwyddyn
Yn dathlu hyfforddwyr sy’n meithrin hyder, datblygu sgiliau ac ysbrydoli cymryd rhan.
Clwb y Flwyddyn
Yn cydnabod clybiau sy’n dod â phobl at ei gilydd ac yn cyfrannu’n gadarnhaol at chwaraeon cymunedol.
Cyflawniad Oes i Chwaraeon
Yn tynnu sylw at unigolion y mae eu hymroddiad hirsefydlog wedi cael effaith barhaol ar chwaraeon lleol.
Ymunwch â ni i ddathlu’r rhai sydd wedi cyrraedd y rownd derfynol eleni a’r cyfraniad y maen nhw’n ei wneud at chwaraeon ledled Bwrdeistref Sirol Caerffili.
Mae tocynnau ar gael o Ganolfan Hamdden Trecelyn. Am ragor o wybodaeth, ffoniwch 01495 248100 neu e-bostio CHTrecelyn@caerffili.gov.uk
