Cadw lle

Mae pob un o’n Canolfannau Hamdden yn cadw lle ar sail achlysurol neu floclogi.

Cadw lle’n achlysurol

Er mwyn cadw lle’n achlysurol, mae croeso i gwsmeriaid gadw lle hyd at saith diwrnod ymlaen llaw. Cysylltwch â’ch canolfan hamdden leol i gadw lle’n achlysurol.

Cadw lle ar-lein

Gall deiliaid cerdyn smart arbed amser ac osgoi ciwio trwy ddefnyddio ein gwasanaeth cadw lle ar-lein. Am ragor o wybodaeth, cliciwch ar y ddolen cadw lle ar-lein Dull Byw Hamdden neu ddefnyddio’r ap Leisure Lifestyle.

Peidiwch â chadw lle ar gyfer dau ddosbarth o’r un fath un ar ôl y llall, e.e.  Peidiwch â chadw lle ar gyfer Beicio Mewn Grŵp am 6.20am a 7.15am ar fore Mawrth yng Nghanolfan Hamdden Caerffili. Dewiswch un yn unig.

Bloclogi

Mae modd i gwsmeriaid sydd am floclogi cyfleusterau wneud cais am hynny am gyfnodau yn fwy na 10 wythnos. Os oes gennych chi ddiddordeb mewn bloclogi ein cyfleusterau, cysylltwch â’ch canolfan hamdden leol neu lenwi ein ffurflen cadw lle rhyngweithiol ar-lein.

Trefnu parti i blant

Eisteddwch yn ôl ac ymlacio a gadael i ni gymryd y straen allan o drefnu parti i’ch plentyn. Rydyn ni’n cynnig gweithgareddau sy’n addas i bob oedran, gan gynnwys castell neidio, pêl-droed pump-bob-ochr, nofio neu deganau gwynt yn y pwll. Am ragor o wybodaeth, cysylltwch â’r ganolfan hamdden leol.

Trefnu digwyddiad arbennig

Beth bynnag sydd gennych mewn golwg – twrnameintiau chwaraeon, arddangosfeydd neu gyngherddau, fe welwch chi fod gennym ni lawer i’w gynnig.  Gallwn ni ddarparu byrddau, cadeiriau, unedau llwyfan ac amrywiaeth eang o offer chwaraeon ar gyfer twrnameintiau chwaraeon. Cysylltwch â’ch canolfan hamdden leol neu lenwi ein ffurflen cadw lle rhyngweithiol ar-lein.

Cyrtiau Tennis

Mae gennym ni 6 chyfleuster tennis gwych ym Mwrdeistref Sirol Caerffili i chi ddewis ohonyn nhw.